ATENEU LLIBERTARIU

 - Curtiumetraxe "Sorpresa". Una hestoria en menos d'un minutu, bien cuntada y con un toque "Hitchcock".  Direutor: Ben Dodd

 

 

    

 - A les 6:00 hores de mañana entama la tregua multillateral ente Israel y Hamas promovida por Exiptu. Oxalá sea l'entamu d'un futuru de paz pa estos dos pueblos y un exemplu de que los problemes igüense falando y non criminalizando. Tou el nuesu apoyu pa ellos.

 

 - Pagar por recibir llamaes nel movil, esa ye la última artimaña de Bruseles. La propuesta (dicen) ñaz col enfotu d'amenorgar el coste de les llamaes. 

 

 - Cuandu llamamos col movil a otru de distintu operador, la nuesa compañía paga a la de l'otru operador por usar la so red. Ye lo que se conoz comu tarifa de terminación. El nuesu operador nun mos cobraría los casi 10 centimos por minutu d'esta tarifa, si non que los paga el receptor de la llamada.

 

 - D'aprobase la propuesta, les compañíes seríen les que decidiríen si usar esa tarificación o non en función de sos intereses. Ye dicir, nun ye una obligación, si non una puerte abierta. 

 

 - En dellos estaos d'Asia furrulen con esti tipu de tarifes. N'EEXX desistieren d'esta tarificación nun va munchu, o ¿nun vos dais cuenta de fasta va bien pocu nes pelis y series yanquis la xente tiraba abondu del busca en vez del movil?

 

 - Que l'abaratamientu de les llamaes que facemos movil prometíu pola UE, seya pol'encarecimientu de les que recibimos, sinceramente, paezme un chiste malu.  

                     

                                                                                                                                                                         Ún del Uvieu.

 - Esta semana saltó la polémica cola decisión de la UE d'agrandar la xornada llaboral a 65 hores selmanales. Y ye que nun ye pa menos... YE LA XORNADA LLABORAL MAS LLARGA DENDE 1.870! En plenu sieglu XXI, inmersos no que los políticos llamen Europa Social, los ministros de trabayu deciden regalar a los empresarios xornáes de 65 hores.

 

 - Ye curiosu comu democráticamente nos manguen nes condiciones llaborales del sieglu XIX. En situaciones de desigualdá económica y condiciones de trabayu asemeyeaes a les que prevocaron revoluciones de trabayaores. Colócannos nunes xornáes anteriores a la revolución bolchevique, anteriores a cualisquier drechu dignu d'un trabayaor...

 

 - Pero esto ta mui bien montau. Sobré la idílica y falsa escusa de la xuntanza de los pueblos encadarmaron un supragobiernu alloñau del pueblu. Un gobiernu d'unos señores que naide sabe mui bien quien son, porque escóndense tras el seudónimu Bruseles o bien CE o UE. La UE sanciona a nosequién... Bruseles impon una multa.... Equí la CE toma una decisión impopular, y nun puedes mas que pedir esplicaciones asi comu a voces, dende lloñe. Nin puedes pedir la responsabilidá política a naide en concretu na más que a la impersonal Bruseles.

 

 

 - Cuandu el gobiernu de l'Estau español, saca alantre dalguna ley, reforma, lo que seya...siempre mos dicen que partíos votaren a favor, a la escontra... Pero cuandu ye la UE, nunca mos desplican claramente les coses. ¿Quienes fueron exactamente les persones que decidieron proponer una xornada llaboral de 65 hores? ¿con que necesidá? ¿de que partíos? ¿de que países? ¿contóse cola opinión de dalgún collectivu de trabayaores pa proponer esta norma? ¿quien votó a favor? Si la xornada llaboral ye del sieglu XIX, la desinformación en cuantu a política ye entá anterior. Faennos creer nel nuesu analfabetismu, y en que ya tan ellos pa tomar les decisiones importantes que nos nun entenderíamos...

 

 - La maniobra salio-yos de puta madre. Una vez que los pueblos consiguieron desaniciar toles dictadures d'Europa, y de meyor o peor manera decidir sobre'l so futuru mediante'l votu. Crearon otru gobiernu per enriba d'esos que volvía a tar tan alloñau del pueblu comu en so día tuvieron los anteriores. Un gobiernu onde importen mas los balances macroeconómicos que la situación vital de los individuos y los sos deseos de futuru. Pero los políticos nunca son llibres, non tou ye un camín de roses... Tienen que responder ante quien los financia, ante quien verdaeramente tien pesu na economía global (véase bancos, petroleres y multinacionales de tou tipu). 

 

 

 - Y ye claru, por exemplu: El 5 de xunu lleíamos na prensa esta noticia: "La Comisión Europea abrió hoy un expediente contra la norma andaluza que restringe la apertura de grandes superficies comerciales al considerar que podría vulnerar la libertad de establecimiento consagrada en el Tratado". El gobiernu andaluz, nun intentu de protexer les empreses pequeñes y negocios familiares, ye sancionau pola UE. ¿Por qué? Porque pa la economía europea ye meyor que trabayes 65 hores nel Mediamarkt por un sueldu de mierda a que tengas tu propiu negociu y te vaya bien (a ti). Y tampocu ye que Media markt, Carrefour, Ikea, etc...caigan bien na CE, ye que tienen perres y polo tantu son un lobby de presión. Equí nun importa quien seas, importen les perres que tengas. Y cuantes menos perres tengas menos importes evidentemente. Y si aún asina quiés ponéte d'autónomu y nun collaborar na política macroeconómica ya veras la que tienen prepará: Vacaciones nun pagaes, requierse tar a la vera la muerte una semana pa cobrar baxa, impuestos asgaya, trabayar domingos y festivos comu los centros comerciales, nun ganar una mierda pa tener precios competitivos, etc... Van asfixiate fasta morrer, comu-yos pasó a tolos cines de l'oriente d'Asturies (nun-hai ni un cine d'Unquera a Cualloto). 

 

 

 - Con tou esto podía pensase, que llegaría un díi que los trabayaores de los centros comerciales, los de les multinacionales y los de les cooperatives, toos los trabayaores esplotaos se alzaren en protestes. Comu un sieglu enantes fizo el proletariau de les fábriques, les mines... Pero pa mi que nun va ser... Porqué pa lo que non interesa económicamente, esto sigue siendo una especie de torre de Babel. Mientres les grandes empreses se aconceyen a menudu pa decidir les sos estratexes económiques, los trabayaores d'España nun tienen rellación neguna colos de Polonia, nin colos franceses que tan mas cerca. Nun esiste comunicación entre trabayaores. Mientres la UE asentó les bases d'espansión de multinacionales europees dientro'l so territoriu, nun fizo nada por crear potentes sindicatos a nivel europeu. Ye obviu que los sindicatos de les naciones-miembru quedanse pequeños pa les cuestiones europees. Y non solu eso, si non que los sindicatos, al ser nacionales, cada un tira polo suyu. Nun esperes que'l sindicatu ganaderu aleman te igüe los problemes que tienes cola cuota llactea, o que los franceses nun vuelquen camiones de fruta. 

 

 - Nun se porqué me da que mos la metieron doblá....      

 

    

 - Na páxina Asturiasantitaurina pueden vese semeyes del fin de "fiesta" na feria d'abril d'infiestu. Semeyes comu estes:

 

 

 

 

 

 - Nun voi opinar, pa decir lo que ye evidente, lo que toos vemos...voi intentar nun morder la llingua por si m'enveneno..

 

 - Podeís informavos mas d'estes y otres hestories antitaurines n'Asturies equi. Amás dexo un enllazu permanente a Asturiasantitaurina nel espaciu.

 

 

 - Curtiumetraxe The ball, dirixíu por Orlando Mesquita (Mozambique)

 

    

 - Giora Feidman (clarinete) y Maxim Vengerov (vigulín) arrastrenmos al cine prietu tocando Summertime.

 

  

 

 - Un home en Sevilla y otru n'Ordizia foron deteníos ayer por presunta apoloxía'l terrorismu y ultraxes a la bandera na rede. Asi comu tamién hubo sendos rexistros que les Fuercies de Seguridá ficieron nos sos domicilios. 

 

 - El fin de selmana pasau, podía lleese na prensa una petición del gobiernu norteamericanu a la web "youtube". N'ella pidien la retirada de videos de grupos terroristes que hai na web. Asi comu la retirada de videos con mensaxes a favor d'estos grupos. A lo que la perconocía web  negose argullendo que yera la llibertá d'espresión precisamente la que facía grande la web. Que mientres los vidios tuvieran dientru los parámetros d'usu de la web, nun diben quitalos por opinar diferente. Asina que'l Gobiernu estauunidense, el mas "poderosu" del mundu, a rascala per ehí...

 

 - Agora yo camiento....¿pediría el Gobiernu español, a estos dos, que quitaren lo que pusieron? ¿o na mas que vieron daqué que nun-yos petó rastrearon y mandaron a la policía a detenelos?

   ¿Aplicarian-yos la incomunicación propia de la llei antiterrorista?

   ¿Y si lo hubieran publicau dende otru país y con otra nacionalidá?¿Podrian verter eses opiniones?

   ¿Merma esti fechu de dalguna manera la llibertá d'espresión de los internautes de nacionalidá española?

   ¿Puede ultraxase una bandera, o lo que seya, na rede?

   ¿Detienente por ultraxar la bandera d'otru país si lo faes dende equí? 

   ¿Detienente por ultraxar la bandera d'Asturies n'interné?

   ¿Onde ta la llinia que separta opinión  d'apoloxía na rede?

   ¿Anque nun hubieras fechu dañu nin a una mosca en toa to vida, nin tengas rellación dalguna col terrorismu, pueden detenete por  opiniones?

   ¿Xulgaranme comu criminal por matar dos policíes nel Grand Theft Auto?

   ¿Llevaranme presu por facer apoloxía de daqué n'esti artículu?

   ¿Detuvieron a daquién pola apoloxía reiterativa escontra drechos fundamentales de la constitución que se faen nes webs d'extrema drecha? 

   

    

 - La OMS califica d'envidiables los resultaos algamaos pola Atención Primaria n'estos trenta años en Cuba.

 

 - El sistema fundamental son les policlíniques comunitaries, 498 per tola islla, ca una les cuales tien una estaya de captación d'ente 30.000 y 60.000 persones. Amás operen comu nodos organizacionales de ente 20 y 40 consultorios de médicos y enfermeres de familia de vecindad, y comu centros acreditaos d'investigación y docencia pa estudiantes de medicina, enfermería y otres ciencies de la salú.

 

 - Pero los proyeutos nun finen equí. Dende 2002, 241 policlíniques foron  renovaes, procesu que entá güei nun fino. El fin ye añadir servicios que antes sólu  ufiertaben nos hospitales.

 - Otros vecinos de Les Arriondes...

  

 

 

 

 

 

 

 - La Universidá del País Vasco (UPV) interpondrá mañana una denuncia por "l'asaltu d'extrema violencia" nel que la policía detuvo a cuatro mozos güei nel campus de Leioa, según anunció el rector, Juan Ignacio Pérez Iglesias.

  - Güei cumplense 35 años de la primera acción militar del Frente Polisariu. El 20 mayu de 1.973 llanzaben la primera ofensiva militar y facíenlo escontra'l destacamentu militar español en Janga.

 

 

 - Antes de colar, a finales de 1.975, l'exércitu español firmó un pautu con Marruecos y Mauritania dando-yos vía llibre pa invadir el sahara. Nun tardó munchu l'exércitu marroquí en bombardear con aviones, obligando a miles de saharauis (que hasta l'añu 75 yeren ciudadanos españoles) a abellugase nun inhóspitu llugar del desiertu cedíu por Arxelia.  El 5 d'agostu de 1979, el Frente Polisariu firmó con Mauritania un acuerdu de paz por el que ésta renunciaba a tener cualquier "reivindicación territorial o d'otru tipu sobre Sahara Occidental". El 14 d'agostu, Marruecos  anexionóse Río de Oro, que taba ocupada por Mauritania.

 

 - L'altu'l fueu aportaría en setiembre de 1991 en virtú d'un acuerdu de paz que reconocía el drechu d'autodetermín del pueblu saharaui y la cellebración d'un referéndum baxu l'amparu de la ONU. Dende entonces, nun hubo nengún tipu d'avance. Rabat  sigue oponiendose a cualquier consulta, al tiempu que descarta totalmente la pallabra "soberanía".

 

 -  Güei mesmu, casi 200.000 persones, esperen nos campamentos de refuxaos de Tinduf el retornu a  la so tierra y la cellebración d'un referéndum que-y permita al pueblu saharaui decidir el so futuru.